ಬೆಳಗಾವಿ-೧೭:ಅ.18 ರಿಂದ 22 ರ ವರೆಗೆ ನಗರದ ಬೇನನಸ್ಮಿತ್ ಕಾಲೇಜು ಮೈದಾನದಲ್ಲಿ ಬೆಳಗಾವಿಯ ಲೇಡೀಸ್ ಅಸೋಸಿಯೇಷನ್ ತನ್ನ ವಾರ್ಷಿಕ “ಬೆಳಗಾವಿ ಬೇಲಾ ಬಜಾರ್ ಆಚರಣೆ ಮಾಡುತ್ತಿದ್ದು, ಮಹಿಳಾ ಆಸಕ್ತಿಯ ಉತ್ಪನ್ನಗಳ ಪ್ರದರ್ಶನ ನಡೆಯಲಿದೆ ಎಂದು ಬೇಲಾ ಸಮೂಹದ ಮುಖ್ಯೆಸ್ಥೆ ಲಕ್ಷ್ಮಿ ಕಿಲಾರಿ ತಿಳಿಸಿದ್ದಾರೆ.
ಬುಧವಾರ ಪತ್ರಿಕಾಗೋಷ್ಠಿ ಯಲ್ಲಿ ಮಾತನಾಡಿದ ಅವರು, ಬೆಳಗಾವಿಯ ಬೇನನ ಸ್ಮಿತ್ ಮೈದಾನದಲ್ಲಿ ಐದು ದಿನಗಳ ಕಾಲ ನಡೆಯಲಿದ್ದು ಹಾಗೂ ಈ ಕಾರ್ಯಕ್ರಮದಿಂದ 100 ಬಡ ಹೆಣ್ಣು ಮಕ್ಕಳಿಗೆ ಉಚಿತ ಶಿಕ್ಷಣ ನೀಡುವ ಮುಖಾಂತರ ಮಹತ್ವದ ನಿರ್ಧಾರ ತೆಗೆದು ಕೊಂಡಿದೇವೆ ತಿಳಿಸಿದರು.
ಮಹಿಳಾ ಸಬಲೀಕರಣದ, ಉದ್ಯೋಗದ, ಶಿಕ್ಷಣದ ಉತ್ತೇಜನಕ್ಕೆ ಸಹಕಾರಿಯಾಗಿದೆ ಎಂದಿದ್ದಾರೆ, ಇದು ಮಹಿಳಾ ಉದ್ಯಮಿಗಳ ಬೆಳವಣಿಗೆ, ಮನೋಭಾವ ವೃದ್ಧಿ, ಸೃಜನಶೀಲತೆ, ಮತ್ತು ಮಾರುಕಟ್ಟೆ ವಿಸ್ತರಣೆಯ ವಿಧಾನವನ್ನು ಬೆಳೆಸುವ ಸ್ಥಳಾವಕಾಶ ಒದಗಿಸುತ್ತದೆ ಎಂದು ಲಕ್ಷ್ಮಿ ಕಿಲಾರಿ ಎಂದು ತಿಳಿಸಿದರು.
ಈ ಮೇಳದಲ್ಲಿ 130 ಕ್ಕೂ ಹೆಚ್ಚು ಮಳಿಗೆಗಳು, ಮನರಂಜನೆ ಕಾರ್ಯಕ್ರಮ , ಸಂವಾದಾತ್ಮಕ ಕಾರ್ಯಾಗಾರಗಳು ಮತ್ತು ಇಂಟರ್ ಸ್ಕೂಲ್ ಹಾಗೂ ಕಾಲೇಜುಗಳ ಸ್ಪರ್ಧೆಗಳನ್ನು ಆಯೋಜನೆ ಮಾಡಲಾಗಿದ್ದು, ಸುಶೀಲ್ ಜೈಸ್ವಾಲ್ ಮತ್ತು ರಾಜಸ್ಥಾನಿ ಜಾನಪದ ತಂಡದಿಂದ ಇಂಡಿಯಾಸ್ ಗಾಟ್ ಟ್ಯಾಲೆಂಟನಿಂದ ಪ್ರದರ್ಶನಗಳು ಲಭ್ಯವಿವೆ ಎಂದು ತಿಳಿಸಿದ್ದಾರೆ.
